في

CuteCute LoveLove

٢٠ نصيحة قبل الزواج

قال الله تعالى في سورة النّساء: {يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً}. [٤]

١ – اعملوا فترة خطوبة لا تقل عن ٦ شهور إلي سنة .

٢ – خلال الفترة دي لو كثرت الخلافات بينكم اعرفوا انه مؤشر سئ و انكم مش متشابهين خصوصا لو مابتوصلش حل لكل مشكلة او نفس المشاكل و المعاناة متكررة .

٣- بالعكس تماما لو هو / هي ده / دي شريك / ة الحياة فعلا هتلاقيهم خلال الفترة دي تطبعوا بطباع بعض والتفاهم ما بينكم بيزيد .

٤ – لو اكتشفت ان في طرف فيكم غامض وصامت يبقى الطرف ده مش بيعرف ياخد حق او باطل معاك / ي ، و فضل انه ما يحكيش أو ما يعاتبك و مكمل باسم الحب ، او ممكن هو غامض عشان فعلا مش بيحبك بس عايز يتجوز و السلام .

٥ – لازم تفهموا كويس ان اتنين مختلفين دايما بيحبوا بعض .. يعني زواج فاشل .. الحب يدوب و هيفضل الخلاف و الطباع السيئة .

٦ – لازم تفهموا كويس ان اتنين متفهمين و بيحترموا بعض و مفيش حب بينهم .. زواج ناجح و سعيد و بنسبة ٩٠ ٪ هيحبوا بعض .. و الزواج هيستمر هيستمر حتى لو مجاش الحب هو بس هيكون فاقد للروح .

٧ – حاول تحب بعقلك و بعدين اطلق العنان لقلبك .. لو عملت كدة هتعشق حبيبك و كل يوم يزيد الحب بينكم لانك شفت مميزاته و عيوبه كويس ، لو عملت العكس يبقي هتتفاجئ بعد الجواز رغم الحب اللي ما بينكم ان عقلك بيقولك مش هو ده اللي بدور عليه و الحب يتبخر .

٨ – لم يتعرضوا لأي خلاف لازم الشخص اللي بيعاتب يلحق نفسه بسرعة بحتة احتواء تثبت الطرف الآخر .. و الطرف الآخر طالما حبيبك يعاتبك او مش موافق علي فعل معين يبقي ده ناقوس خطر لازم بسرعة تحافظ على مشاعره و تقيم كلامه بعقلك لو كلامه صح نفذه لأنه تؤامك هو اكثر شخص يخاف عليك .. لو محستش بحد أقصى في  الخطوبة خلال ٤ شهور الإحساس بالثقة و انه اكثر شخص يخاف عليك يبقي سيبها بعض فورا .

٩ – بلاش الطاعة العمياء الراجل والبنت يقربوا لبعض بالمناقشة ( مناقشة مش مجادلة ) .

١٠ – بلاش العطاء الا محدود لان النوع ده من العطاء مش بيكون له مقابل .. و الطرف اللي بيدي بشكل جنوني لو مخدش بنفس الشكل بيحس ان الطرف التاني بيستغله و الشعور بالاستغلال ينقلب كره .

١١ – لكل طرف في الحب مساحة .. مساحة ثقة .. خروجة مع أصحاب .. ممارسة هواية .. وقت للخلوة .. وقت النوم عشان البنات اللي الشيطان بيلعب في دماغها و يقولها راح يتجوز عليكي .

١٢ – احترام الخصوصية .. اسراركم مع بعض خصوصية محدش ليه حق انه يعرفها و لو طرف مش عارف يتعامل مع الطرف الآخر فيلجأ صاحبه او قريبه او البنت اللي بتلجأ لمامتها .. يبقي سيبها بعض احسن لحد ما تنضج تعرفوا ازاي تتعاملوا مع شريك حياتك لوحدك من غير ما دخلوا حد في الموضوع .

١٣ – احترام الخصوصية .. يعني اسرار اهاليكم و اختلافكم مع اهاليكم مايتحكيش لازواجكم و زوجاتكم هما كمان ليهم خصوصية لازم تحترمها .

١٤ – اتعامل مع شريك حياتك بعد الجواز زي قبل الجواز يعني بنفس اللطف .. عشان لو ضمنت أن حبيبك خلاص بيموت فيك و مش هيتغير من ناحيتك .. يبقي في يوم هيطفش أو هيقرف او هيتجوز عليكي بلاش العشم الزيادة .

١٥ – الخطوبة ماتزيدش عن سنة .. لو هتزيد يبقي لسة في طرف مش مستعد .. يبقي الطرف اللي مش مستعد و غالبا بيكون الولد يسيب بنت الناس لحد ما يبقى مستعد لأنها في الفترة دي هتشوف اشكال و الوان و جايز تشوف اللي احسن منك  الا لو الظروف مادية مثلا .

١٦ – نصيحة للبنت اول ما تخرجي من الجامعة ماتراطيش استني انزلي شغل و جربي يعني ايه شغل حتى لو كام شهر بجد هتفرق معاكي في الخبرة العملية و العلمية و تتعرف على شخصيات هتفيدك كتير و هتعرفي عيوبك و ازاي تغيري من نفسك و ده هيفيدك اكتر في اختيار شريك حياتك واولادك اللي هتنقل لهم خبرتك بعد كدة.

١٧ – اقروا كتير .. حاولوا تدوروا على قضية تؤمنوا بها ودافعوا عنها مع بعض .

١٨ – ماتوافقيش يا بنوتة علي كتب الكتاب بدل  خطوبة او كتب الكتاب اللى قبل الجواز حتى لو بشهر او اتنين .. ابوس ايد معاليكي .. لما تعرفيه و تحسي ان مش هو ده الراجل اللي يملا عينك بتحسي انك ادبستى .. اه والله .

١٩ – لو طلب او طلبت الباسورد بتاع الميل او الفيس بوك .. فركشوا الخطوبة فورا ( اجري يا مجدي دددددي ) عشان في حالة طارئة اسمها قلة ثقة يا فيك / ي او في نفسه / ا .

٢٠ – الجواز مش لعبة قط و فار مين يكسب .. الخطوبة اتنين بيحاولوا يحققوا السعادة لبعض طووول العمر و يخففوا على بعض ضغوط الحياة .. بيبنوا بيت و يقاوموا أي عوامل داخلية وخارجية تهز البيت ده .. اتنين لاقوا بعض عشان يكملوا نواقص بعض .. بيجتمعوا على المودة و الرحمة . 

قال تعالي { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ (21) }

ودمتم سالمين 

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

Written by dodi.gamal_818266

تعليقات

Please Login to Comment.

Loading…

0

ادم وحوا ⁦⁦⁦والسوشيال ميديا

ذكريات كوره