في

ميعجبناش

طنط: مش هنفرح بيكى بقى ونشوفك مبسوطة فى بيت جوزك

البنت: لا يا طنط جواز ايه انا كدة مبسوطة و ميت فل وعشرة كمان

 وبعدين ليه اجيب راجل فى حياتى يقرفني ويطلع عينى و رايحة فين وجاية منين

طنط: على فكرة مينفعش تقولى كدة وتطرى عشان ربنا ميحرمكيش من نعمة الجواز والاستقرار ومتلاقيش راجل يحبك ويخاف عليكى

المخرج : Cut 

غير يابنى المشهد دة المفروض البطلة تبقى هتموت ع  الجواز 

يلا نعيد 

مشهد الجواز تانى مرة اكشن 

طنط: مش هنفرح بيكى بقى ونشوفك مبسوطة فى بيت جوزك

البنت: هو انا كنت لاقية حد كويس ياطنط انا خلاص حاسة انى هكبر ومش هتجوز 

انا مضايقة عشان وصلت للسن دة ومتجوزتش

طنط: ياخايبة انت مستعجلة ع الهم ليه هما يعنى اللى اتجوزوا خدوا ايه عيشي وانبسطى قبل ما ييجى واحد يقرفك ويطلع عينك ورايحة فين وجاية منيييين 

يلا بينا نخش بقى على مشهد الخلفة

مع طنط هى هى نفسها 

طنط: ايه مفيش حاجة جاية فى السكة عايزين نشوف لك حتة عيل يسعدك فى الدنيا ويسليك

الزوجة : لااااااا عيل ايه انا اصلا مش من اهدافى الخلفة خالص انا عايزة اتبسط بحياتى انا وجوزى  ولو فكرت مش هيكون دلوقتى خالص انا لازم اكون جاهزة لمسئولية طفل لان الاطفال مش لعبة ولا لب هجيبهم يسالونى

طنط :اعوذ بالله انت ازاى بتقولى كدة يابنتى حرام العيال دول نعمة مترفضيش عشان ماتنزلش من حياتك وبعدين ما كلنا خلفنا لا مسئولية ولا حاجة ولو على تربيتهم خلفى انت بس وانا اربيه وملك 

المخرج : Cut 

غير يابنى المشهد دة المفروض الزوجة تكون هتموت وتخلف

يلا نعيد

مشهد الخلفة تانى مرة اكشن 

طنط: ايه مفيش حاجة جاية فى السكة عايزين نشوف لك حتة عيل يسعدك فى الدنيا ويسليك

الزوجة : انا اصلا هموت على حتة عيل ياطنط بس حاسة انى عمرى ما هخلف عمرى ما هكون ام انا تعبت و هموت واعيش احساس الامومة بجد 

طنط:  ياختى خلفة ايه وعيال ايه اتبسطى مع جوزك الاول ياخايبة وبعدين هى تربية العيال بالساهل ياريت كان حد قالى متخافيش بعد الجواز كان زمانى مبسوطة فى حياتى ومش شايلة مسئولية حد غير نفسي 

المخرج : cut

غيرلنا يابنى ام الولية دى خالص انا زهقت

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

Written by Rina

تعليقات

Please Login to Comment.

Loading…

0

هل مريض الكبد يستطيع صيام شهر رمضان؟

قطر التلاتين