في

مابعد الكورونا

ناس كتير بتسألني عن رايي ف ايه اللي ممكن يحصل ويتغير بعد ان شاء الله ازمه الفيروس دي تعدي

بصراحه هو مفيش حد سألني خالص بس انا عاوز أتكلم عن الموضوع ده

بالنسبة للعالم

– هايحصل تغيير كتير ف الاتحاد الأوروبي خصوصا بعد اللي حصل بين دول أوروبا وبعضها وان فيه دول ماوقفتش جنب دول تانيه ودول كانت بتسرق المعونات اللي رايحه لدول تانيه واحتمال الاتحاد الأوروبي كله يتفكك

– الصين هاتبقي اول دوله ف العالم تتحكم ف الفيروس سواء بالكنترول عليه اللي ابتدي فعلا او ب اكتشافها اول علاج للفيروس وهاتبقي اول خطوه ف طريق الصين انها تبقي القوه الأولي ف العالم لمده ١٠٠ سنه جايين ع الأقل

– إيطاليا هاترجع لورا وممكن يحصلها لنفس اللي حصل لليونان من كام سنه ورونالدو هايرجع يلعب لمانشيستر تاني

انما بالنسبة لمصر بقه

– هانتبدي نتمحلس للصين وهانفكنا من روسيا وده احتمال يكون ابتدي امبارح لما التليفزيون أعلن ان السيسي اتصل بالرئيس الصيني مرتين ف يوم واحد واحتمال نخلي اللغه الصينيه تبقي اللغه التانيه ف الثانوي مكان الألماني

– الدكاتره هاتاخد اكبر مقلب ف الدنيا لانها هاتفكر ان الدوله هاتعلي من شأنهم وأول قرار الدوله هاتاخده انها هاتدي القضاه ألفين جنيه ف الشهر بدل توتر من اللي حصل ف البلد فتره الفيروس

– اول وظيفه هاتبدأ تحس بالراحه بعد الازمه دي لانه هاتبدأ تحس ان الفلوس جرت ف أيديها هي وظيفه المأذون من كتر حالات الطلاق اللي هاتزيد ف البلد بسبب الاعده ف البيت وان فيه مشاكل هاتبدأ تظهر كانت مختفيه من البعد

– احتمال ان فيه ثوره ممكن تقوم ع السيسي خلاص بقت صفر ف الميه علشان الإعلام دلوقتي لقي سبب يخلي الشعب يترعب ويعد ف بيوتهم انه يقولوا بس ان فيه فيروس اسمه اللانشون وانه فيروس معدي زي ما كان حسني مبارك بينيم الشعب من المغرب ويطلع مفيد فوزي يقول ان فيه سلعوه ف البلد بتاكل الناس

– هاتظهر وظيفه جديده ف مصر مخصوصة للناس اللي شبه السيسي علشان يقدموا فيها علشان تبقي الدوله جاهزه ل اي حاجه بعد اشاعه ان السيسي كان مختفي بقاله اسبوعين هو ومراته علشان كان ف الحجر الصحي ويتكلموا عن مسرحيه الزعيم انها اتكلمت عن ده قبل مايحصل

– عدد الناس اللي بيصلوا ف الجوامع هايزيد والجوامع هاتتملي بالناس ف صلاه التراويح ف رمضان لان الناس هاتحس قيمه الجوامع اللي اتقفلت

– الاسكندرانيه هايبقوا اكتر ناس عدوانيه ف البلد من كتر التريقه اللي حصلت عليهم ولو شافوا واحد نازل البحر عندهم هايظرفوه سيشن كامل وهو لابس المايوه الأبيض الشفاف ده ويفضحوه ف البلد كلها

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

تعليقات

Please Login to Comment.

Loading…

0

كابتشينو مثل المحلات

جسدك هو عربيتك