في

كورونا اعادة التوازنات

كورونا اعادة التوازنات

هند خضيري

ايوه دي حقيقه . كورونا اعادة التوازنات

ازاي يعني ؟؟؟؟؟؟

هقولك انا احنا كنا زمان جوه المفرمة بنصحي من نومنا الفجريه نودي العيال المدارس والحضانات ونجري علي شغلنا نخلص شغلنا ونجري نلم العيال من الشوارع قصدي من المدارس والحضانات ونطلع ناكل لقمه واحزا بهدومنا وننزل نجري علي الدروس والنوادي وهكذا كل يوم ويوم يجر يوم ولا بنلحق نقعد مع ولادنا ولا حتي نزور الي بنحبهم ولا عارفين نشوف وقت لنفسنا نهتم بصحتنا ونفسيتنا وعاداتنا الغذائيه وهكذا دايرين في الخلاط مش خلاط الاكل لا دا خلاط اضخم منه واصعب منه خلاط البنا عارفينه اه واللهي زي ما بقولكم كده احنا الاسمنت والظلط والطوب الي بيضربوا يوميا في الخلاط ده وعلينا ان احنا مانفتحش بقنا ولا نتكلم كل ده ليه عشان نبني بيوتنا ونبني ولادنا واحنا في غفله ان الله علي كل شئ قدير

ما احنا لما نفضل نلف طول النهار والليل في الشارع قولولي هنفضي امتي نربي هنقدر امتي نتابع صحتهم ونفسيتهم وحتي دراستهم

لكن الفيرس فعلا فوقنا وخلانا نحس بقيمة وجودنا في البيت وان القعده دي عرفتنا علي ولادنا وشخصياتهم وتفكيرهم ومهاراتهم بقينا نهتم بصحتنا ونعمل اكل صحي بعد ما كنا معظم اكلنا دليفري بقينا نتفنن في عمل الحلويات والتشيز كيك وبسكوت العشر دقايق او حتي الخمستاشر دقيقه المهم اننا بقينا بنبدع لفرحة ولادنا

فكروا شويه هتلاقوا كورونا جات في وقتها وربنا اراد انه يسخرهالنا عشان نفوق من غفلتنا ونرجع لديننا ونرجع لبيوتنا ولاهلنا ولولادنا

هنعيد ترتيب اعمالنا وامورنا وحياتنا كلها هنعرف ان الشغل ممكن يكون من البيت او نقلل ساعات العمل كله يهون في سبيل راحتنا وراحة ولادنا

كورونا اعادت التوازنات

كورونا فيرس فوقنا واعاد لنا ترتيب حياتنا كلها

شكرا كورونا

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

Written by Hendkhodery_752522

اسمي هند محمد خضيري
اعمل اخصائية نفسية باحدي المدارس
مدربة تنمية بشرية معتمدة مز النقابة العامه لمدربي التنمية البشرية
باحثة ماجيستير بجامعة عين شمس

تعليقات

Please Login to Comment.

Loading…

0

قصيدة شمس الحب والحياه

عالقون فى الصين 1