في

LoveLove

كتالوج حماتي

في يوم كنت خارجه اشتري شويه حاجات قابلت واحده صحبتي مشفتهاش من زمان سلمت عليه وكنت فرحانه اني شفتها وبعد شويه بصيت في يدي وقالت لي مبروك.اتخطبتي أمته قالتلها من شهر قالت مبروك الفرح إمته قالتلها كمان شهرين إن شاء الله وطبعا هحتضري الفرح أكيد فردت عليا إن شاءالله.

*بس سألتني سؤال عادي هتعيشي لوحدك ولا في بيت العيله ؟ 

-فجاوبت عليها وقلت لها في بيت العيله إن شاء الله. 

فقالت لي بجد هو لسه في حد بيعيش في بيت العيله إنتي إزاي موافق علي كده أنتي طيبة أوي والله .

قالت ليها عادي عيله خطيبي محترمين جدا وطيبين وأنا كمان بحب اللمة والعيلة . 

فقالت لي دا الا ظاهر لكي دلوقتي بس بعد الجواز هتشوفي كتيرررر.

فرديت عليها كتير يعني إيه ممكن توضحي كلامك . 

قالت تعالي معايا نقعد شويه وأشرح لك كتالوج بيت العيله فرحت معاها وبدأت تشرح لي وكان الشرح كالتالي:

* أولا” حماتك” دي أم جوزك طبعا في البدايه هتكون إنسانة طيبة جدا بتعاملك كويس جدا” لمدة معينة ” يعني وانتي عروسه جديده مش هخليكي تعملي حاجة في البيت وهعملك الأكل بيدها ومش هتخلى حتى تغسل طبق ود ممكن لمدة شهر وممكن شهرين ماكس مم . 

فرديت عليها وقلت ليها دا حلو جدا يارتني أتجوز بكرة دا أنا ماما مطلعه عيني في شغل البيت كله بحجة أنها بتعلمني أقبل الجواز .

* لا يا قلبي إستني ماتستعجليش التقيل جاي أهوه شوفي ياستي حماتك هتيجي في يوم وتخرج وتقولك إنها هتتأخر وأنك هتعملي الأكل النهارده وإنها عايزة تشوف شطارتك وواثقه في حلاوة أكلك تمام . هتنزلي من شقتك عشان تجهز الأكل هتلاقي الآتي:

١_ البيت عايز يتنضف والبلاط عايز يتمسح.

٢_ في كومة هدوم ضخمة جدا موجوده في نص الصاله عايزة تتغسل تقريبا متوحشه من يوم فرحك عشان تغسليها انتي .

٣_ المطبخ في أطباق متسخة من العشا بتاع امبارح وكمان الفطار  وقتها هتعرفي ليه مش بيخليكي تدخلي المطبخ أو تنتفي حاجة ، عشان بيحوشو لك كل الحاجات دى أول إختبار شطارتك.

٤_ الأكل الا هتعمليه  هيكون تقريبا أكل كتير ممكن بتاع تلات أيام قدام ، وممكن يبقي عبارة عن فراخ أو بط ومعاها لحمه وبسله ومحشي كوسه وبطاطس شيبسي وسلطة وأرز . وياريت تخلصي قبل ما حماتك ترجع.وريناشطارتك.

   قالتلها تمام هنضف البيت وهحط الهدوم في الغسالة الاتوماتيك وغسل الاطباق على بال ما الأكل يطبخ وأنا شطارة في عمايل الاكل وبحب الطبخ.

* فقالت لي مش دي المشكله لما هي ترجع مش هيعجبه الا انتي عملتيه والبيت الا انت تعبتي في تضيفه هتطلع فيه ميت عيب وعيب والاكل بتاعك هتقولك إنو ملوش طعم أو ناقص سوا أو ملح ومامتك معرفتش تعلمك الطبيخ. وكله هتقولوا قدام جوزك وحماتك واخوات جوزك عادي جدا . ودا هيبقي السيناريو اليومي وكل الحموات كده وعمر مافي حمل بتحب مرات ابنها . أنتي لازم تبطلي طيبه وتروحي تقولي لخطيبك أنك لازم تعيشي لوحدك وأنك مش هتجوز عشان تبقي خادمة لأم جوزك وأخواته . وأنك عايزه تعيشي براحتك وتعيشي حياتك . 

***بصراحه أنا مشيت من عند صحبتي دي مش عارفه ولا فاهمه أيه إلا حصلي دا هو إلا هي بتقولوا دا صح وأنا عمر هيضيع وأنا بخدم حماتي وبيت العيله وانا أكلم خطيبي وأقولها لدرجة أني أتخنقت وعيطت وبعدين رحت لأمي وسألتها وقلت لها عن كلام صحبتي .  

**** فردت أمي عليا وكان كلامها مريح جدا وواضح وصريح وقالت تعرف إن الحما حمايه مش حمه يعني مش سخونه زي الناس ما بتقول . تعرفي أنها هي إلا خالفت جوزك وربته وعلمته وخلته راجل محترم . تعرفي إن هي إلا بتجهز لكي شقت دلوقتي وبتجهز فرحك . تعرفي إنك هتطلع تنامي في شقتك وهي إلا هتقومم تقفل بوابه البيت وطفي الأنوار وتتأكد من الغاز مقفول والمكان أمان. تعرفي انها هتبقي جده أولادك في المستقبل وهي تحبهم أكثر من ابنها . تعرفي أنها هتجبلها لبس العيد ولعب وهياكلهم وتغير لهم وتحميمهم ودخلها الحمام. طيب تعرفي أنك لو تعبتي في يوم هي إلا هتروح معاكي لدكتور وهي الاهتلاك أقبل مني . أظن أنها تستحق أنها نكرمها مش تنقزي منها ونبعد عنها ونتجنبها ونسيبها تعيش لوحدها ونقول لها هتاخدي زمنك وزمن غيرك . واعرفي يا حبيبتي انك لما تعمل خير ربنا يجعل كل أيامك خير . ومتسمعيش كلام حد عايز يضرك أو حتى ينقل خبرته وفشله في حياته علي إن ده اللي بيحصل دايما بيتكرر بس دا مش صح . خالي بالك حياتك بتاعتك انتي اصنعيها بشطارتك مش بخبرة غيرك.

 

كتالوج حماتي

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

تعليقات

Please Login to Comment.

Loading…

0

كن قناصا و لا تكن قرطاسا

حوار| زهراء الشريف لاعبة الأهلي لألعاب القوى