في

قطر التلاتين

جواز جواز جواز 

ألحق قبل القطر مايطلع يلا بسرعة دة اخر قطر الجواز 

يابنتي اصبري

_ اصبر ايه انت مش سامعه القطر خلاص يفوتنى

_ طب اخدتى كل حاجة معاكى ؟

_ مش مشكلة بقى ابقى اشترى اللى انا عايزاه فى الطريق

_ ياحبيبتى فى حاجات مش هتلاقيها فى الطريق لازم تشتريها الاول

_ لا مش هتفرق المهم اركب واوصل قبل الثلاثين اصل  اصحابى كلهم ركبوا قطر اول العشرين و سبقونى وانا عايزة الحقهم عشان لو ملحقتش القطر دة كمان هندم عمرى كله

_ صدقينى مش هتندمى خدى وقتك وحضرى شنطتك بتأنى  وفيه مليون قطر هييجى بعده متصدقيش اللى بيقول ان ده الأخير

_ لا طبعا  والناس يقولوا القطر دة كمان فاتها 

طب اتاكدى ان ده القطر اللى انت عيزاه الاول

_ بصى مكان ما يودينى هروح 

طب انت مبتسمعش عن حوادث الطرق

عادى بقى ان شاء الله مفيش حاجة وحشة هتحصل

_ سلام بقى عشان اتأخرت

_ مع السلامة ابقى طمنينى عليكى لما توصلى طيب

******بعد ساعات

_ لو انت فين

_انا فى الطريق والقطر متعطل ومش قادرة انزل ومش عارفة اعمل ايه ومش معايا فلوس كفاية اشوف مواصلة تانية

طب وبعدين هتعملى ايه؟؟

 مش عارفة

هو انا ليه نصيبى كده ليه ربنا اختار لى القطر دة

_ على فكرة انتِ اللى اختارتى القطر دة مش ربنا ولا اى حد غيرك

 نصيبك اللى انت شايفة انه مفروض عليكى انت اللى نفذته بايديكى

قبل ماتفكر تلحق شوف انت عايز تلحق ايه وليه

وساعتها القطر عمره ما هيفرق معاك لانك هتشوف مليون وسيلة وطريقة توصلك

وبدل القطر ممكن تركب طيارة وتسبق اللى ركبوا القطر بمحطات كتير مليانة سعادة لانك هتمشى فى طريق تانى غير طريقهم

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

Written by Rina

تعليقات

Please Login to Comment.

Loading…

0

ميعجبناش

رمضان جنة