في

قاعد فى البيت وبسقط

بعد عمر طويل وسنين شاقه من العمل اللى كنت فاكره مضنى جت اللحظه اللى اقعد فيها غصب عنى فى البيت وبالشكل المزرى ده.

مش متخيل ان كان هييجى اليوم واقعد فى البيت مغصوب….ابقى قاعد وزعلان على الشغل اللى كنت كل يوم ما بصدق ان معاد خروجى منه ييجى وكل اسبوع كنت ببقى فى قمة الفرحه لما ييجى ميعاد اجازتى الاسبوعيه للاسف الكورونا مش مجرد فيروس الكورونا شئ بيحطمنا داخليا….

وبالرغم من كده مافيش مشكله عادى هنستحمل القعده فى البيت من غير شغل وان احنا مش عارفين ننزل كأصدقاء نقابل بعض ونشوف بعض زى زمان ….

لكن بجد اللى تاعبنى الهرى والفتى والهبد وخصوصا لما يوصل لبيتى…

اخر فتوة سمعتها النهارده ان الفيروس مش هيقدر يقرب من الصعيد🙄🙄🙄🙄 قول والمصحف مع انى كنت عارف ان اول حاله ظهرت كانت على مركب سياحى فى اسوان وبعدين انت حجتك الجو فى جنوب مصر طب صحصح وفوق يا عم الحج الفيروس زى ما علمتونا ما بيتنقلش فى الجو ده بيتنقل بالرزاز وباللمس يبقى ايه بقى اللى لما الحر يخش مش هيبقى فيه فيروس وبعدين ده فيروس جديد وانت ايه عرف حضرتك المعلومات دى كلها عنه هى اى هبد وخلاص لا وايه احلى هبده بقى اكتم نفسك وعد من واحد لعشرة ولو كحيت يبقى عندك كورونا…… يا سلام

يا جدعان بطلوا هبل بقى الوليا بتصدق الكلام ده وبتقولى هاكتم نفسى وعدلى عشان اعرف انا عندى كورونا ولا ماعنديش

انا كفايه انى مستحمل ام جنانها من غير الهبل ده انتوا جايين تزودولى البله طين….

اشغلوا نفسكم شويه وانتوا قاعدين فى البيت اتعلموا حاجات جديده والله هتلاقوها حاجه حلوة

يعنى انا مثلا امبارح حشيت بدنجان والنهارده جربت احشى ورق عنب وتصدقوا بالله اتعلمت وكمان نزلت امبارح روحت عند الجزار واشتريت لحمه

املوا فراغكم اعملوا اى حاجه العبوا مع العيال وبطلوا فتى.

😑😑😑

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

Written by eldawlypop_358009

تعليقات

Please Login to Comment.

Loading…

0

جسدك هو عربيتك

الاحترافيه ف التعامل