في

صنية كنافه بالمكسرات

طريقة عمل صنية الكنافة بالمكسرات

المكوناتنص كيلو كنافه2 معلقة كبيرة سكر بودرة1 كوب سمنة سايحة وبضيف عليه معلقتين زيتالشربات٢ كوب سكر1.5 كوب مياهعصير نصف ليمونةرشة فانيلياالكريمة2 كوب لبن3 معلقة كبيرة نشامعلقة قشطة كبيرة (اختياري)رشة فانيليا

الطريقةبسم اللهاول خطوةهنجهزها الشربات عشان يكون باردهنحط 2 كوب سكر على 1.5 مياه في حلة على نار متوسطة ولما تغلي هنحط عليها عصرة ليمون ونسيبها تكمل غليان 10 دقايق وفي الاخر رشة فانيليا ونرفعها من ع النار ونسيبه يبرد تمامتاني خطوةهنعمل الكريمة هنقلب اللبن والنشا في بعض كويس اوي وبعدين نرفعهم ع النار مع التقليب المستمر لحد ما القوام يتقل ويغلي ولو عندك قشطة عايزة تضيفيها تمام مش عندك خلاص وبتضيفي رشة فانيليا وتقلبي وتطفي وتسيبيها على جنبتالت خطوةالاول هنشغل الفرن على درجة حرارة 200 وبعد كدا هناخد الكنافة هنجيب طبق عميق كبير والكنافه يا ريت تكون متفرزة عشان تفتتيها بسهوله أو تضربيها في الكبة ولما تتفتت هنحط عليها معلقتين سكر بودرة ونقلبهم في بعض كويس ونضيف جزء من خليط السمنة والزيت بتاعنا ونخلطه كويس اوي بالكنافه ونحاول نخلي الكنافه كلها تتغلف بيه بعد كدا هنقسم الكنافه نصين وهنجيب صينية مقاس 32 ويفضل تكون حواف بسيطة ونحط فيها معلقتين او تلاته سمنة من الكوب بتاعنا ونفردها في الصينيه وفي الحواف وتفرد فيها نص الكنافه ونضغطها كويس اووووي اد ما نقدر بايدينا أو الصينية تانية اصغر بعد ما نتأكد انها بقت مضغوطة كويس اوي هنجيب الكريمة اللي عملناها ونحطها على طبقة الكنافه اللي حطيناها في الصينية بس هنحطها في النص ومش هنخليها توصل للأطراف خالص بعد كدا هنفرد فوق الكريمة نص الكنافه الباقي معانا هنوزعه فوق الكنافه ونغطي بيها كل الوش من غير ما نضغط الا على خفيف بس عشان الكريمة متبوظش ونرش على الوش السمنة الباقية معانا وندخلها الفرن اللي مشغلينه بقالنا شوية بتاخد حوالي 30 دقيقة على درجة حرارة 200 وهنبص عليها لما نلاقي الأطراف احمرت وتهزي الصينية تلاقي الكنافه بتتحرك فيها كدا تبقا تمام شغلي بقا الشواية للوش واول ما ياخد لون دهبي حلو اطفي النار وطلعيها اسقيها بنص كمية الشربات واقلبي الكنافه واسقي باقي الشربات للوجه التاني واقلبيها على طبق التقديم وزوقيها على زوقك وبالف صحة وهنا

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

Written by lolo

تعليقات

Please Login to Comment.

Loading…

0

إمرأة شرقية

ربى ابنك على الشكر والامتنان لله