باقى ايام قليلة على رمضان

اولا كل سنة وانتوا دايما واعين وفاهمين ومدركين احنا دورنا ايه وبنعمل كل حاجة لية ..؟

((المرة دى لازم يكون رمضان مختلف انا لازم اصوم واصلى واقرى قرآن كتيييييير واكتر من الخاتمة واعمل حج وعمرة من الاخر انا هكون انسان جديد ))

احب اقول لكل حد بيقول الكلام دة براحة على نفسك شوية

كم مرة قولت الكلام دة وفجأة تلاقى العيد جه وانت واقع واقعة منيلة ومعملتش حاجة اصلا..؟

لانك فهمت عقلك انه هيخرج من دائرة أمانة حاجات كلها جديدة عليه فلازم وبديهي عقلك يقاوم كل دة

طب مش الاول تفهم انت عايز تعمل كل ده ليه اصلا ..؟؟

قررت تصوم بنية ايه

قررت تصلى بنية ايه

قررت تقرى قرآن بنية ايه

فكر شوية وبلاش تبعية ع الفاضى وحط نيه عقلك يقتنع بيها حط نية صح

وخد نفسك بالتراضى ولو وقعت قوم اقف تانى

وافتكر النية اللى كنت حاططها عشان دة هيساعدك ترجع من غير ما تلاقى مقاومة من كل خلية في جسمك وانت مش فاهم ايه اللى بيحصل

وترجع تتهم نفسك وتقول انا نفسي امارة بالسوء أو أنا وحش

كل الحكاية انك مش قادر تفهم نفسك . تحاول تتواصل مع كل الناس وتبني علاقات قوية بيهم وعلاقتك بنفسك تكاد تكون منعدمة

بتتعامل معاها علي انها شيطان

خلى رمضان السنة دى مختلف بس اختلاف جديد

خليه بداية جديدة تعرف نفسك وتجرب معاها اليسر شوية مش العنف والجلد

حب اللى هتعمله قبل ما تعمله

مش الهدف انك تعمله وخلاص

ومتنساش ان الصوم والصلاة والقرآن هى وسائل شحن  تخليك تعيش الجنة في الأرض قبل الآخرة وسائل تساعدك انك تزكى نفسك

“قد أفلح من زكاها”

فأحسن استخدام هذه الوسائل واعرف الغاية منها ايه

بلاش تحول الوسائل دى لغاية او هدف هما فقط وسائل . بس من اعظم الوسائل اللى تخليك تنعم بحياتك.

و اعرف كل وقت فى يومك محتاج تشحن بأى وسيلة

اعرف انت بتتصل بالله ليه وايه الوسيلة التي تستخدمها عشان تحقق الاتصال دة

ولما بتتصل بيه هتعمل ايه هتطلب ايه عايز توصل لايه

فكر بجد وفكر كويس واعرف هدفك وغايتك الحقيقية

كل سنة وانتوا فى نعيم ورضا ورحمة وعايشين جنة التواصل مع انفسكم

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

Written by Rina

تعليقات

Please Login to Comment.

Loading…

0

قطر التلاتين

رُبما هو – الجزء الثاني