في

LOLLOL LoveLove

دماغ الراجل⁦⁩ ودماغ الست

فى مقولة الفيلسوف برنارد شو ( يكفي المرأة رجل واحد لتفهم جميع الرجال ولا تكفى الرجل مئات النساء لا يفهم امرأة واحدة ) واضح كده ان دماغ الست بالنسبه للراجل لغز كبير وطلاسم مش عارف يفكها حتى الستات اوقات يعتقدوا انهم فاهمين دماغ الراجل واوقات تانيه بيحسوا انهم مش فاهمين هو عايز ايه وده فعلا السؤال اللى دايما الطرفين بيسألوه هما الرجاله عايزين ايه وهما الستات عايزين ايه؟

عشان كده محتاجين نعرف دماغ الرجل ودماغ الست عباره عن ايه يمكن نقدر نفهم بعض شويه.

دماغ الراجل: عبارة عن مجموعة صناديق / صندوق للشغل وصندوق للعربيه وصندوق للعيال وصندوق للفلوس وصندوق للمدام وصندوق لوالدته  والمهم صندوق الولا حاجة.

أما دماغ الست: فهي كلها اسلاك كل سلك متوصل بكل حاجه وكل حاجه متوصله بكهربا المشاعر وده السبب ان الستات بيفتكروا كل حاجه عكس الرجال لانهم مش بيهتموا بالتفاصيل .

فى مواقف كتير ممكن من خلالها نعرف طريقة تفكير الرجل وطريقة تفكير الست فمثلا:

*((الستات)) كائن مدمن اهتمام ممكن تقبل اقل شئ فى كل حاجه مستوى مادي قليل/تعب وارهاق/سكن مش مناسب لكن لحد الاهتمام خط أحمر.

*((الراجل)) لما يكون مضغوط كل اللى عايز يعمله يدخل جوه صندوق الولا حاجه بتاعه فاكرينه ويفضل يبحلق فى الحيطه او يفضل ماسك ريموت التلفزيون وبيتفرج على اللاشئ . وتيجى الست تحاول تدخل معاه الصندوق طبعا استحاله.

تعملى ايه بقى فى الحاله دى سيبيه لوحده يدخل صندوق الولا حاجه بتاعه ومتقلقيش هيرجعلك بالسلامه ان شاء الله.

*((الست)) لما تكون مضغوطه نفسيا بتبقى عايزه تتكلم عن اللى ضغطها ولو متكلمتش هتنفجر.

*((الراجل)) لو احتاج 10000 كلمه فى اليوم يبقى الست محتاجة 20000 كلمة في اليوم وطبعا ده مش رغى خالص هى بس بتعبر عن اللى بيحصلها طول اليوم.

*((الراجل)) لو قال كلمه ولا حاجه يبقى فعلا ولا حاجه لكن لو الست قالتلك ولا حاجه ابدا اخاف واقلق.

*((الراجل)) لما يتنهد يعنى كل شئ تمام لكن التنهيده عند الست يعنى هى كده جابت اخرها خللى بالك.

*((الراجل)) لما يقولك اتفضلى يبقى ده لانه راجل ذوق فى التعامل اما بقى الست لما يقولك اتفضل يبقى بتديلك فرصة تشرحلها الكارثه اللى عملتها وخلى بالك وانت بتشرح الموضوع فيه حياه او موت.

** وده ملخص بسيط دماغ الرجل ودماغ الست.

واخر حاجه عايزة اختم بيها ان الراجل بيحب تكون شريكة حياته ذكية تحاوره وتناقشه وتساعده فى حل مشاكله طبعا ده لو كان عنده استعداد ومش عايز يدخل صندوق الولا حاجه بتاعه

أما الست بتحب الراجل اللى ليه مكانه بين الناس سواء المكانه دي او من الوظيفة أو انه شخصيه محبوبه بين أصدقائه وعائلته وكمان بتحب الراجل الرومانسى اللى بيحاول يسمعها كلام حلو كل فتره و بتحب الراجل اللى يقدرها وميس خرش من تصرفاتها.

يارب نكون فهمنا بعض شويه⁦⁩

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

تعليقات

Please Login to Comment.

Loading…

0

كل الناس بيقولوا يارب

عالقون فى الصين الحلقة الرابعة