في

العيال كبرت

استنوا بس دي مش مسرحية العيال كبرت الراحلين أحمد زكي ويونس شلبي وسعيد صالح 

دي مسرحية احنا بنعيشها كل يوم مع ولادنا ويوم بعد يوم ولادنا بيكبروا ادام عنينا بس النظرية بقي هل وولادنا بيكبروا فكرنا احنا كمان امهات وابهات نقرب منهم اكتر كل ما يكبروا اكتر فكرنا نتكلم معاهم في كل حاجه تخصهم فكرنا نفتح معاهم مواضيع بتكبر جواها بس مش عارفين يسألوا عنها ودورنا أننا نوجد لهم الاجابات الي محيرهم بدل ما يدوروا عليها بطرق غير مشروعة

فكرنا اصلا اننا ناخدها فى حضننا ويعوضهم عن اي كلام ممكن تسمعه من حد غريب 

طبعا لا عارفين ايه لاننا عاوزين نربي ولادنا زي ما احنا اتربينا بالضبط علي الرغم برده اننا كنا معترضين على أسلوب التربية ده من سنين اللي هو عيب اسكت متكلمش في الكلام ده انتي لسه صغيره علي كده 

وحلقه طويله من العيب والحرام لدرجة اننا طلعنا متلخبطين مش فاهمين حاجه وكتير مننا بيحصل علي المعلومه بطريقه غير آمنة المهم ان نكون مداريين وكل حاجه تبقى في الظل عشان محدش يقول  عننا كلام وحش وعشان صورة ماما وبابا تفضل زي الفل ادام كل الناس دا غير أسلوب الضرب والعض والقرص والشبشب الطائر وغيره من الأساليب هتقولولي وماله ما احنا طلعنا زي الفل اهو

اسفه اني اقولكم اننا اتربينا غلط وللاسف مطلعناش زي الفل ولا حاجه بدليل كم التناقضات في شخصيات الكثير منا وكمية اللامعقول في تصرفات الكثير من البشر نتيجة التربية الغير مسئولة

زد على ذلك أن أبناءنا مختلفون عنا كليا زمانهم غير زماننا كليا وأصبح التطور التكنولوجي وثورة الاتصالات الحديثة وسهولة الحصول على المعلومة جعلتهم يملكون الدنيا بضغطة على احد الازرار او حتي بلمسه علي اي جهاز سمارت فون 

كل ذلك ونحن اشد البعد عنهم اشغالنا ومسئوليتنا الكثيرة و سفر أحد الأبوين للعمل بالخارج واحيانا كلاهما ويترك الأبناء للجده لتربي وتكمل مسيرة الخطأ والمعاناة للطفل 

كان سيدنا علي رضي الله عنه يقول ( لا تكرهوا أولادكم على آثاركم فإنهم مخلوقون لزمان غير زمانكم )

على كل اب وام ان يراجعوا حساباتهم جيدا و يستفيقوا من دوامة الحياة التي لن تجني سوى أبناء جفاء لن يذكرهم بمعروف 

حبوا أولادكم حبا غير مشروط 

صاحبوهم في الدنيا معروفا 

تحدثوا معهم كثيرا واعرفوا عنهم كثيرا

اعرفوا أصدقائهم وما يفكرون فيه 

ودائما تذكروا أنهم لن يبقوا اطفالا لانه سياتي الوقت الذي سيكبرون فيه وستضحك وقتها وتقول …………. العيال كبرت 

اخصائي الصحة النفسية وتعديل السلوك 

مدربة التنمية البشرية وتطوير الذات 

هند خضيري 

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

Written by Hendkhodery_752522

اسمي هند محمد خضيري
اعمل اخصائية نفسية باحدي المدارس
مدربة تنمية بشرية معتمدة مز النقابة العامه لمدربي التنمية البشرية
باحثة ماجيستير بجامعة عين شمس

تعليقات

Please Login to Comment.

Loading…

0

صوره من غير فرح

فلوسك خليهالك