في

العب مع عقلك

احيانا لما بتكون ناوى تاخد خطوة جديدة فى حياتك بتحس بقبضة غريبة كدة فى قلبك  وخوف غريب  وساعات بتلاقى معرقلات كتيييير  توقفلك كل الطرق

لأ واحيانا بتصاب بأمراض كمان تخليك مش قادر تتحرك ولا تفكر

ساعتها عقلك يبتدى يقولك واضح ان الخطوة دى مش خير ليك واهو ربنا ادالك اشارات عشان تبعد .

فتلاقيك فى وسط مخاوفك صدقته وقولتله يااااااه ياعبد الصمد انا مش عارف من غيرك كنت عملت ايه

طبعا هو يطمّن انه اقنعك  وكدة بقيت زى الخاتم فى صباعه ويروح هو  يكمل نومه بقى  وهو مرتاح الضمير  كمان

وخطوة تقف ورا التانية وانت مش فاهم هو ربنا بيحبك فعلا وبيبعد عنك الشر ولا دة مقلب من اخينا اللى اسمه العقل

الحقيقة ان مش من المنطقى ابدا ان كل الخطوات دى تكون شر وحتى ولو كانت شر اكيد ربنا هيسيبك تجرب وتغلط وتتعلم

لكن اقولك على سر  الخطوات دى فعلا بتكون شر بس مش ليك انت  انما بتكون بالنسبة لعقلك هى شر الشر

طب ازااااااااااااااى ؟؟؟!!!

انا هقولك ازااااى

بص ياسيدى عقلك الباشا اللى انتخ بقاله سنييييين  كتييير آكل شارب نايم مبيدفعش حتى ايجار دماغك اللى عايش فيها دى عجبته الانتخة اوى وجاية على هواه جدا

تقوم انت لما معاليك تقوله يلا هتنزل شغل عشان تصرف علي نفسك وتدفع ايجار دماغى اللى اتكوم عليك  يبدأ يقلق على مستقبله ويحس انه هيعمل مجهود هو اصلا متعودش عليه ولا حابب يتعود عليه

فيعمل ايه بقى ……؟؟؟؟؟؟؟

يقوم فورا عامل اتصالاته …….اه ماهو واصل على فكرة وعنده علاقات كتييييير

طب بيتصل بمين يعنى..؟

بيتصل بكل الكون حواليك اللى اصلا مسخر لخدمتك قصدى لخدمة عقلك ويقوله اعمل لجان كتيييير فى كل حتة ووقفلى الطرق عشان فى حالة طوارئ خاصة

فتلاقى الكون كله بقى على تردد واحد هدفه يرجعك عن جنانك ويلحق العقل اللى هتخليه يسيب رفاهيته وانتخته وتشغله كمان

وطبعا ساعتها بتلاقى كل الدنيا اتقفلت فتلاقيك بتقول بضمير مرتاح شكلها مش خير ليا

فيرجع عقلك يلغى حالة الطوارئ دى ويرضى عنك وتعيشوا فى سلام من جديد

طب والحل ….؟؟

انت خلاص فهمت لعبته والحل اصبح فى ايديك اتحرك وخد الخطوة الاولى لانه لما هيلاقى كل وسايله الدفاعية فشلت هيفتكر انه هو شخصيا مسخر ليك وهتلاقيه يقولك شبيك لبيك عقلك وملك ايديك …انا كنت بهزر يارمضان انت مبتهزرش

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

Written by Rina

تعليقات

Please Login to Comment.

Loading…

0

اذا عُرف السبب

بطله من ذهب مواليد 2005 وحلم التأهل لأولمبياد الشباب 2022