في

الترابط الأسري…

الترابط الأسرى ..

كنت بشوف مسلسل حلاوة الدنيا

بيحكى عن قضية مهمة جداا (مرضى السرطان)

امينة(هند صبرى) فجأة تحولت حياتها من بنوتة بتجهز

لفرحها مبسوطة وفرحانه بخطيبها وترقيتها في شغلها

لمريضه لوكيميا (سرطان الدم)

امينة كان عندها ثبات قوى وتقبل غير عادى وحكمة ف

التصرف رائعة اول ماعرفت اتصدمت ولاكن احلى حاجة فيها

انها مش عاشت في دور المظلوم و اشمعنا انا ليه مع انه

حياتها انحدر مسارها تماما

اللى خلاها في القوة والثبات دة أسرتها المسلسل دة ف قوة

دفا وترابط اسري مبهر

انصدمو لما عرفوا وزعلو شوية بس كل واحد قرر يساعدها

يقف جنبها يقويها وف نفس الوقت حياتهم موقفتش وكل

واحد فيهم مارس حياته عادى ومحدش خاف منها وبعد

امينة كان تصرفها مع خطيبها فيه حكمة جميلة مجتش ع

نفسها وحسستة انه فيها عيب وانفصلت عنه لا صارحتة

وحملته المسؤولية معاها و حاولوا يكملوا في تجهيزات فرحهم زى ماهما

وبسرعة بسرعة تقبلت الوضع الجديد ودورت ع ناس وبيئة

شبها تعيش فيها وتكمل

حقيقى المسلسل جميل جدا و واعى

ملخص كل  الرغى ده اييييه :

_ قوي علاقتك بأسرتك وعيلتك وحافظ ع الرابط دة علشان يوم ما هتقع هما اكتر ناس تسندك ويقدرو لحظات ضعفك

يوم مايحصلك تحدى صعب فكر تخرج من دة ازاى أفضل من ليه و اشمعنا انا هتعرف الحكمة من دة اسرع من دور المظلوم

يوم ماتحصلك أزمة في حياتك دور ع الناس اللى شبهك ف المرحلة دى علشان متحسش بالشفقة والظلم وتقدر تكمل

يوم لا شريك حياتك يقع أو يحصله اى تحدى صعب خليك اصيل واعرف انك شريك لحياته ف الوحش قبل الحلو .أسند قلبه قويه لان لو الدنيا كلها وقفت جنبة وقفتك انت ليها معنى اقوى واعمق جواه وهتجبرة يكمل ويعيش كل حاجة حلوة معاك

لما تشوف مريض سرطان او اي مرض بلاش نظرة الشفقة وياعينى وياحرام هيموت وتخاف منه ليحصل اى عدوى ليه ده الاعمار بيدى الله وكلنا هنموت ومحدش فينا عارف عمر مين قبل مين ف الافضل انك تساعده تتعلم معاه هواية جديدة تسندة وتخلق معه حياة جديدة لان ف الغالب هيكون حياته القديمة باظت

تقبل كل حاجة تحصل فى حياتك وخليك فاكر

فَإِنَّ مَعَ الْعُسْرِ يُسْرًا (5) إِنَّ مَعَ الْعُسْرِ يُسْرًا

لاَ يُكَلِّفُ اللّهُ نَفْساً إِلاَّ وُسْعَهَا

مهما حصلك ف حياتك ف انت قدها

لما تقرر تساعد اللى حواليك ف تحدياتهم متنساش اختبارك

معادن الناس تظهر أكثر في المواقف الصعبة بلاش تتعشم فيهم زيادة وتزعل منهم واشكر المواقف دى انها عرفتك عليهم وهيظهرلك ناس تانى احسن ..

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

Written by Amany88

تعليقات

Please Login to Comment.

Loading…

0

يا مولانا تولانا

كيكة الشوكولاتة الخطيره