في

استخدام الجوانتي

    • ضوابط استخدام الجوانتي ( Hand Gloves )  داخل المطبخ بتختلف عن ضوابط استخدامها ضد إنتشار فايروس ما
  • وبوجه عام الضوابط في كلا الحالتين كتير و معقدة وتعتمد على عوامل كتير زي الزمن والمكان ونوعية الاستخدام وطريقة الارتداء وطريقة التخلص منه ،

    فخليني أقول المعلومات اللي أعرفها والخاصة بضوابط إستخدام الجوانتي ( داخل المطبخ ) …

    1- لازم قبل ما تلبس الجونتي تغسل إيدك لمدة 20 ثانية بالماء والصابون ودرجة حرارة المايه بتكون أقصي حاجة تستحملها إيدك ، وبعدها تنشفها كويس والافضل تستخدم معقم بعد التنشيف ..

    2- مكان الجونتي هو العلبة بتاعته ، يعني مينفعش تاخد شوية جونتيات تحطهم في جيبك عشان لما تحب تلبسهم تلاقي معاك أو انك تطلع جونتيات من علبته وتحطهم قدامك علي الترابيزة او جوة شيفنديش مع السكاكين ومفاتيح التلاجة !

    3- مدة تغير الجو انتي المقننة علمياً تختلف من موقف للتاني خاصة داخل المطبخ

    *لو شغال مثلاً بتقطع فراخ فقط أو خضار فقط أو معجنات فقط أو سندوتشات فقط فهنا تغير الجونتي هيكون بعد (4) ساعات لو الجونتي لسه سليم ومش متقطع أو لونه أتغير طالما شغال علي منتج واحد مغيرتهوش …  

    * لو هتشتغل فى كذا منتج مختلف مثلا هتقطع فراخ وبعد ربع ساعة هتقطع سمك وبعدها بشوية لحمه فلازم ما بين كل تعامل ترجع تغير الجونتي حتى لو مكملتش دقيقة واحدة مع غسل إيدك وتنظيفها وتعقيمها في كل مرة يتغير الجوانتي !

    * لو خارج بره القسم اللي شغال فيه لازم تقلع الجونتي قبل ما تخرج وترميه في الجاربچ وتغسل إيدك قبل ما تخرج وتغسلها لما ترجع تدخل ، خاصة لو كنت شغال في أقسام اللحوم المختلفة وهنا بيكون كمان لكل قسم بلون مختلف في نظام الـ IOS  …

    * لما تكون واقف على بوفيه  تغير الجونتي بيكون كل (20) دقيقة مع غسل إيدك وتنظيفها وتعقيمها في كل مرة بردو !

    ولو اتعاملت خارج سياق البوفيه متنتظرش ال (20) دقيقة وغيروا في لحظتها

    * وقت الطهي وقت التجهيز للطهي ملوش أي لازمة لبس جوانتى !

     * أي طعام هيتم أكله بدون طهي أو أي أكل مطهي الأفضل التعامل معا وأنت لابس جونتي ، لكن لو عندك في المنشأة جهاز انذار لغسل اليدين المقنن كل (20)  دقيقة فمش شرط تلبس جوانتي وانت بتتعامل مع طعام جاهز للأكل ( والنقطة دي عليها خلاف كبير بين الشيفات ) …

    4- الجوانتي يتقلع من إيدك علي صندوق الجاربچ مباشرةً ..

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

Written by mostafa

بسكويت عين الجمل

رسائل المجذوب – الرسالة الأولي – رأيتك