في

اذا عُرف السبب

لما تعرف اسباب التحريم مش هتحتاج لمجهود عشان تمنع ما حُرم عليك ولا هتجاهد كتير لانه فى الاول والاخر دة لمصلحتك انت

ولا يضر الله فى شئ انك تعمله

طب زى ايه من اشكال التحريم ؟

الخمر مثلا اول مرة النهاردة افهم ايه هو ضرر الخمر علي الانسان

قريت فى كتاب #لأ_بطعم_الفلامنكو ان الخمر بيشيل الطبقة الفاصلة بين وعيك الظاهرى ووعيك الباطنى واللى مختبئ فيه حاجات انت نفسك ممكن متكونش عارفها عنك

م الاخر بيزيل ستر الله عنك

بيخليك زى العريان كدة كل افكارك ونواياك المخبئة وشهواتك ورغباتك المدارية ورا الشخصية الرزينة العاقلة بتطلع وتفضح نفسها

فاكرة زمان قالولنا ان الخمر بيذهب العقل عشان كدة حرام ولازم عقلك يكون حاضر عشان انت بتصلى يوميا فلازم ماتكونش مغيب

الحقيقة احسن وصف لقيته بجد ان الخمر  بيكشف الستر عنك

ومنعه بيحافظ على خصوصيتك اوى حتى عن نفسك وعشان  ميحصلش انك متشوفش فيها غير المساوئ وبس

وبديهى اول سؤال جه فى بالى لما عرفت دة

طب ازاى بقى هعرف مافى نفسي من سئ عشان اعالجه واقومه

ايه دة يعنى انا كدة لازم اشرب خمر بقى

وساعتها لقيت الكاتب بيرد عليا رد ادهشنى

ان فى منفذ بسيط من عقلك الباطن لعقلك الواعى من خلال احلامك بيعرفك حاجات عنك مخبئة وبيديك اشارات لو تتبعتها هتعرف تعالج كل خلل جواك وانت لاتزال تنعم بالسِّتر

الخلاصة هنا انك لازم تعرف سبب كل شئ بتعمله عشان لما تعمله  يكون بيسر وبدون مجهود او ضغط على نفسك او احساس بالحرمان

ساعتها هتشكر ربنا من كل قلبك  على نعمة الوعى اللى يسرلك البعد عن المحرمات وخلاك تستمتع بالحلال الطيب

#نعمة_السِّتر

#الهمها_فجورها_وتقواها#

#يريد_الله_بكم_اليسر_ولا_يريد_بكم_العسر

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

Written by Rina

تعليقات

Please Login to Comment.

Loading…

0

اكتفاء

العب مع عقلك