في

أيه الرابط بين الصيام و مقاومة الأنسولين ؟

اولًا نعرف هى أيه مقاومة الأنسولين

نبدأ الأول أزاى الطعام بياخد مساره علشان نحصل منه ع الطاقة.

ف حالة الجسم العادية بيتحول الطعام ال بيتم أكله إلى جلوكوز و ف المرحلة دى البنكرياس بيقوم بدوره و هو إفراز الأنسولين ، طيب أيه دور الأنسولين هنا؟

الأنسولين بيخفض نسبة السكر ف الدم و بالتالى بيساعد الجلوكوز أنه يدخل خلايا الجسم علشان يمدها بالطاقة و بكدة الجسم يحصل على الطاقة من الطعام  طيب و الحالة الغير طبيعية ال هى مقاومة الأنسولين ؟  معنى مقاومة الأنسولين إن نسبة السكر بتزيد ف الدم و بالتالى هيقوم البنكرياس بإفراز الأنسولين ، لكن مستوى السكر لسة بيزيد و البنكرياس يفضل يفرز الأنسولين علشان يخفض من مستوى السكر الزائد ف الدم و لكن نسبة السكر أقوى من أن يواجهها الأنسولين ، فيتوقف البنكرياس عن إفراز الأنسولين و من هنا بيكون الجسم بيقاوم الأنسولين المفرز إلى أن تقل نسبته أو تنعدم و النتيجة ارتفاع مستوى السكر ف الدم ال ممكن يؤدى إلى مرض السكرى

* الأعراض الناتجة : طبعًا زيادة الوزن و ده نتيجة و سبب  ، لون الجلد الغامق ف بعض ثنيات الجسم زى العنق مثلًا ، أما عن الرقبة من الأمام ف تحس كأنها متضخمة أو بها ورم الحقيقة دى دهون زايدة كأنها شكل من أشكال زيادة الوزن  و من وجهة نظرى  إن بعض الأمراض الجلدية زى الأكزيما و الصدفية و غيرها طبعًا بسبب قلة الماء و الجفاف أكيد و كمان زيادة مستوى السكر في الدم  أما الشعور بالكسل و الخمول و خفض الطاقة ، و منين تيجى الطاقة من اختلاف الزمن  قصدى منين الطاقة و أصلًا مفيش جلوكوز داخل الخلايا لأن الأنسولين ال بيساعد الجلوكوز أنه يدخل خلايا الجسم توقف إفرازه خلاص بسبب السكر ال ف الدم

طيب أيه الأسباب ال بتزود نسبة السكر في الدم و تزيد أيضًا من مقاومة الانسولين؟

ملحوظة : “زيادة المقاومة = خفض عمل الأنسولين= زيادة مستوى السكر ”

من الأسباب : ممكن طبعًا يكون الموضوع وراثى ، بس الأكيد إن زيادة الوزن عامل رئيسى ، كمان قلة الرياضة ، و الأكل ال فيه سكر طبعًا أو الغير صحى بالمرة

طيب الحل بقى علشان القلق بس  : كل حاجة ليها حل طبعًا

لكن عايزة إرادة شوية ، أول حل طبعًا هو عنوان المقال ال أصلًا أتنسى

* الصيااااااااااام  حاليًا و الحمد الله أحنا ف شهر رمضان المبارك 30 يوم كاملين نصوم فيه ، و من فوايد الصيام طبعًا بيظبط مستوى السكر المتزايد ف الدم ، ف حالة انخفاض مستوى السكر و دى بيسموها “Hypoglycemia” أو ارتفاع مستوى السكر في الدم و ده اسمه “Hyperglycemia” ما علينا

* كمان من أهم الحلول : الريااااااضة و دى بتساعد خلايا العضلات أنها تمتص الجلوكوز  و مفيش أحسن من أيام الحظر دى علشان نعمل تمارين بسيطة ف البيت .

* و أهم من ده كله السكر الأبيض و الدقيق الأبيض  دول بقى أكبر مشكلة ممكن تقابلنا ، السكر طبعًا بيدخل ف كل المشروبات و كمان الحلويات و أحنا ف شهر الحلويات أصلًا  و الدقيق طبعًا ف كل أنواع العيش و المخبوزات طيب حل السكر الأبيض نستبدله بس مش بالسكر البنى لأنه نفس الضرر  لكن ممكن بعسل النحل الطبيعى، أما عن المشروبات فكوباية الشاى اللازمة بعد الفطار دى ممكن كل يومين نقلل نص معلقة لغاية ما نوقفه أنا عارفة إن ده صعب جدًا خصوصًا ف الشاى  .

أما عن الدقيق الأبيض ممكن نشترى عيش أسمر أو نستخدم الدقيق الأسمر أو دقيق الشوفان ف الخبيز.

أنا عارفة إن الموضوع طويل لكن الحقيقة ده إختصار لموضوع مقاومة الأنسولين، هو مش مرض لكنه متلازمة يعنى معرض لأى حد يصاب به ده لو أصلًا مش موجود عند الكل بس بنسب متفاوتة

المقال ده كنت ناوية أكتبه من رمضان ال فات  مش عارفة أيه سبب التأخير ، بس ال هيكمل القراءة للنهاية و يستفيد و لو حتى بمعلومة ممكن فضلًا تعمل share علشان نشجع بعض نستغل رمضان ف تغيير نمط و أسلوب حياة ممكن بعدين يكون life style

و بالنسبة ل Hypoglycemia و ال Hyperglycemia ف دول لهم مقال تانى بعنوان “طعامك و المؤشر الجلايسيمى” لو مهتمين، اكتبوا ف الComments

كل عام و أنتم بخير و ليعده الله دومًا علينا بالخير واليمن والبركات، رمضان مبارك

Written By: Sam. Ali

تم إنشاء هذا المنصب مع لطيفة وسهلة استمارة التقديم. إنشاء وظيفة الخاص بك!

تقرير

ماذا تعتقد ؟

Written by Sama

تعليقات

Please Login to Comment.

Loading…

0

الحلم

سر السعادة